ជ័យជំនះ គឺជាគោលការណ៍ចំបងរបស់យើង។ ក្រុមមេធាវី ខេ & ខេ តតាំងមិនរាថយ ហើយក៏ត្រូវបានគេស្គាល់ដោយសារតែជ័យជំនះរបស់ក្រុមមេធាវីជំនាញយើងក្នុងវិស័យដោះស្រាយវិវាទក្នុងប្រព័ន្ធតុលាការផងដែរ។ ដូច្នេះហើយ រឿងក្តីវិវាទ ឬបណ្តឹងរបស់អ្នកប្រាកដជាឋិតក្រោមការថែទាំដ៏មានទំនុកចិត្តជាក់ជាមិនខាន។

ការដោះស្រាយវិវាទ គឺជាស្នូលនៃសេវាកម្ម និងជំនាញរបស់ក្រុមមេធាវី ខេ & ខេ។ កេរ្តិ៍ឈ្មោះរបស់យើងក្នុងវិស័យនេះដែរ ត្រូវបានកសាងឡើងដោយបទពិសោធន៍ជាច្រើនឆ្នាំក្នុងការដោះស្រាយវិវាទក្នុងប្រព័ន្ធតុលាការដ៏ខ្នះខ្នែង ហើយតែងតែទទួលបានជ័យជំនះ រួមទាំងការដោះស្រាយវិវាទក្រៅប្រព័ន្ធតុលាការប្រកបដោយប្រសិទ្ធិភាពក្នុងការចំណាយ។ រីឯគុណសម្បត្តិដ៏គួរឱ្យកត់សម្គាល់របស់យើង គឺឋិតនៅលើមេធាវីជាន់ខ្ពស់ដែលមានបទពិសោធន៍ ២០ ឆ្នាំក្នុងការអនុវត្តនីតិវិធីច្បាប់ និងដោះស្រាយវិវាទយ៉ាងរលូន ជាមួយនឹងភាពស្ទាត់ជំនាញ និងការតតាំងផ្នែកច្បាប់ដ៏មានប្រសិទ្ធិភាព។

អ្វីដែលសំខាន់បំផុតក្នុងរឿងក្តីព្រហ្មទណ្ឌ គឺជាការការយល់ដឹងអំពីភាពខ្លាំង និងភាពខ្សោយនៃវិធានការ សេចក្តីសន្និដ្ឋាន និងនីតិវិធីទាំងមូលចាប់តាំងពីដំណាក់កាលស៊ើបអង្កេតដោយមន្ត្រីប៉ូលីស រហូតដល់ការបើកនីតិវិធីព្រហ្ម-ទណ្ឌនៅតុលាការ។ ក្រុមមេធាវីដោះស្រាយវិវាទក្នុងប្រព័ន្ធតុលាការរបស់យើង សុទ្ធតែជាមេធាវីការពារដែលមានសមត្ថភាពខ្ពស់ និងឆន្ទះខ្នះខ្នែងក្នុងការដោះស្រាយវិវាទនៅគ្រប់លំដាប់ជាន់ថ្នាក់នៃតុលាការកម្ពុជា និងខិតខំផ្តល់នូវសេវាកម្មផ្នែកច្បាប់ដ៏ល្អបំផុតដើម្បីការពារសិទ្ធិរបស់អតិថិជនទាំងអស់។